حليتى صح اهو؟ للبابا كيرلس السادس

كانت فيه مرة بنت فى الكلية وكانت فى المحاضرة بتهزر مع واحدة صاحبتها فاشفيتها الدكتورة وقالتها اسمك ايه ... قالتلها اسمى فلانة ... فرديت الدكتورة وقالتها انتى مش هتنجحى السنه ديه لازم لما تكونى فى المحاضرة بتاعتى تكونى ملتزمة ... فخافت البنت اوى
المهم عدت الايام ... والبنت دخلت الأمتحانات وحلت ... وفضلت خايفه اوى لحسن الدكتورة تسقطها بجد فى الامتحان زى ما قالت.

فصلت البنت كتير وكان معها كتاب من معجزات سيدنا البابا كيرلس صدق ولا بد أن تصدق

فبصت للصورة وقالتها ياسيدنا انا عارفه انى غلطت بس متخليهاش تشيلنى المادة

ونامت البنت وفى الحلم شافت سيدنا البابا كيرلس ماسك ورقة الأمتحان بتاعتها وعمال يصحح فيها ويقولها يا بنتى ما انتى حليتى صح اهو ... وديه كمان صح ... وديه صح ... شاطرة يا بنتى .. نجحتى خلاص.

وراحت يوم النتيجة لقت نفسيها نجحت ... وشافتها الدكتورة وقالتها اسمك ايه صحيح ... قالتلها فلانة ... ردت الدكتورة وقالت تصدقى وانا بصحح الورق حاولت افتكر اسمك وفضلت ادور على الورقة الى فيها اسمك مش لقيتها ولا افتكرت الأسم

فتأسفت البنت للدكتورة ... ونجحت بس بموافقة وتصحيح سيدنا للورقة

عجيبة هى أعمال قديسيك يارب السموات.

من عظات ابونا يؤانس كمال "صدق ولابد ان تصدق"

صلوا من أجل كل الطلبة فى هذة الايام وامتحانتهم
وليرفع رب الجنود شأن المسيحين فى العالم كلة

مرسى على الموضوع الجميل دة وربنا يعوض تعب محبتك

مرسى على المشاركة الجميلة ربنا يعوض تعبك خير

بركة الشهداء والقديسين تكون معاك