سلمنا فصيرنا نحمل

اعمال 15:27

فى ايه حلوه قوى

بتقول

سلمنا فصرنا نحمل

نحمل يعنى نتشال

يعنى مش هتحط رجليك على الارض

يعنى مش هتمشى

يعنى هتبقى زى الطفل الصغير اللى ابوه شايله وماشى بيه

هيعدى بيك كل الامور الصعبه اللى انت مش هتعرف تعديها لوحدك

يعنى هيرافقك

بس لازم تسلم للرب

تسلم له الدفه بالكامل

الحياة بالكامل

سلمنا فصرنا نحمل

1- من المشاكل والصعاب

مهما كانت المشاكل مهما كانت الصعاب

الرب قادر على حملنا بمشاكلنا وظروفنا الصعبه حتى لو كانت قاسيه جدا

ملهاش حل

هو يقدر يحملنى ويعدينى

لانه هو اله المستحيلات

لا يعثر عليه امر

قادر على كل شئ

هو الخالق العظيم

امس واليوم والى الابد

سلمنا فصرنا نحمل

2- لانه قد فتح الباب

فى العهد القديم

مكنش حد بيقدر يشوف ويتكلم مع الله

كان الباب اللى بينا وبينه مقفول

والسبب الخطيه اللى صارت فاصله بينا وبينه

لكن الان

الباب اتفتح

بالفداء العظيم

ومفيش حاجه تفصلنا عنه

هو قدم لنا الدعوه

تعالوا الى يا جميع المتعبين والثقيلى الاحمال وانا اريحكم

يالا نروح له

ويرفعنا ويشيل عنا

ويعدى بينا

ويحملنا على الاذرع الابديه

سلمنا فصرنا نحمل

3-لانه ملك الملوك ورب الارباب

مش اى حد هيحملنا

ولكن اللى صنعنا وشكلنا وخلقنا رب المجد

لو اى حد هيحملنا ممكن نخاف

لانه ممكن ميقدرش على شيلنا

لكن احنا فى ايد مللك الملوك ورب الاباب

يالا بينا نحط ايدينا فى ايديه

ونقوله ارفعنا واحملنا

امين

جروب يالا بينا نحط ايدينا فى ايدين يسوع