شكرا ايها الشيطان

+بسم الاب والابن والروح القدس الة واحد امين+
الكل منا يخطئ فى الحياة من خلال التصرفات او من خلال التفكير السئ او او او او فأن للخطية اشكال كثيرة ومناهج اكثر(البركة فى الاستاذ شيطان)
لكن احبائى انا عايز اعرف احنا لية لما بنعرف اننا غلطنا وارتكبنا خطية بنبقى حزانى.
اة الواحد مننا لما بيغلط بيحس انة اشترك فى صلب المسيح او انة صلب المسيح من جديد وجلدة وانكرة وعذبة كل دة تمام لكن هناك فرق او بمعنى اصح هناك وجة اخر للعملة انت لما بتخطئ دة عبارة عن جرس انذار الشيطان (الاهبل) هو نفسة اللى بيديهولك علشان ترجع لربنا ولطريق ربنا من جديد وبقلب نقى تايب
الكل هايقولى اذاى الكلام دة؟
اقولكم انا:انت لما بتغلط بتحس بالذنب تجاة الرب يسوع المسيح اللى فداك ومحا كل خطاياك بالصلب المجيد اذا انت افتكرت ربنا لما اخطئت دى اول حاجة لانك ساعة الخطية كنت بعيد عن ربنا وناسية خالص يبقى دى اول خطوة للعودة.
الخطوة التانية هى تأكيد ان ربنا لسة بيحبك اذاى :اقولك انا اذاى هو انت لو مش ابن ربنا وماشى صح معاة وربنا بيحبك الشيطان هايفكر اصلا انة يجيلك لا ابليس ما بيقربش الا من اولاد ربنا علشان يبعدهم عن ربنا اذا انت كدة عرفت انك ابن ربنا وان ربنا بيحبك بس بطريقة صعبة شوية فيها شئ من الخسارة من النقاط التى يكونها الفرد فى حسابة لينول الحياة مع الرب.
من اجل كل هذا لابد من ان نجعل الشيطان يتعظ اننا نفرح اكثر بيسوع حتى لو اوقعنا هو فى الخطية لانة هكذا يثبتنا من جديد فى الرب ويرجعنا الية.
اليس كذلك عندما نخطئ لنا الحق ان نفرح بتلاهنا الذى مازال يثبت لنا انة على وعدة لنا واننا مازلنا خرافة ورعيتة حتى ولو انكرنا لبضع لحظات او حتى ساعات.
+شكرا ايها الشيطان+
الرب يقويكم على عدو الخير
اذكرونى فى صلواتكم

__________________