تقدر تدفع اد ايه

عدد الرسائل : 5 تاريخ التسجيل : 07/06/2008

فاجاب وقال لهم من له ثوبان فليعط من ليس له ومن له طعام فليفعل هكذا.
حد فاهم حاجة من الكلام دة؟
الجموع واقفة تتعمد من القديس يوحنا و بيسالوة نعمل اية علشان نلاقى مكان لينا فى السما
فرد عليهم بالاية اللى مكتوبة فى انجيل معلمنا لوقا الاصحاح الثالث اية احدى عشر
اية صعبة موش كدة؟ معناها ان لو عندك ثوبان واخوك معندوش اروح اديلة واحد! طب لو واحد راح كارفور واشترى عشر قمصان يوزع نصهم على اخوة الرب اللى معندهمش؟ دة كلام؟ طب دة حتى يبقى حرام؟ امال جبت عشرة لية؟
واحد معاة كمبيوترين واخوة معندوش يديلة واحد؟ هاتقولى دية رفاهية ، طب هى رفاهية ليك ولاخوك لا !
بلاش دية واحد معاة عربتين واخوة معندوش يدلة واحدة؟ انت اتجننت؟
عندك شقتين مقفولين واخوك بيلف على شقة بس ممعهوش تمنها تديلة واحدة؟ لاةةةةةةة دة بقة جنان
عارف لية جنان؟
لاننا اتعودنا نرمى زبالتنا لربنا وندعى اننا بنقدم تضحيات ومن اعز ما نملك ونضحك على نفسنا وعلى ربنا ونقولة بس يا رب انا هاتبرع بشنطة كبيرة قد اية؟ مبسوط منى؟
اتعودنا ننظف الشقة واللى يطلع منها من زبالة ندور على حد من اخوة الرب نقولهم عندنا حاجات كتير تعالوا خدوها
اتعودنا نلبس الهدوم لحد ما تقرب تبوز او تتهرى وبعدين يكون فاضل عليها لبستين ويتهروا نقوم ندور على حد من اخوة الرب ندهالة
اتعودنا لما الهدوم تضغر او توسع علينا نشحتها
ايوة كدة العشور
لكن تقولى عربية وشقة لا يا عم دة انا تعبت فيهم لحد ما جبتهم
بس السؤال هو مين اللى سمح بوجودهم فى حياتك لو انت اللى تعبت وفاكر نفسك صاحب الحاجات دية تبقى انت المجنون
الوصية صعبة جدا جدا
لو تسمحوا نفسى اسمع رايكم بجد
لكن لو معندكش وقت تكتب كلمتين ترد بيهم يبقى ربنا معاك
الاية دية اتذكرت فى الاناجيل الاربعة تصورا
واقول لكم ايضا ان مرور جمل من ثقب ابرة ايسر من ان يدخل غني الى ملكوت الله.

طبعا موش معناها كل الاغنياء ولكن الاغنياء الاغبياء فاهمنى طبعا

منقول

[i]موضوع جامد خدا ً الحقيقة وحلو اوى ربنا يباركك وننتظر المزيد